2º ANIVERSARIO

Tras estes dous anos transcorridos desde a estrea da curtametraxe Persoas no Centro Sociocultural de A Ramallosa de TEO e posteriormente no CGAC de Santiago de Compostela é o momento de facer balance. En primeiro lugar destacar de novo o excelente traballo realizado polo alumnado participante e a oportunidade de contar coas interpretacións de actores e actrices do grupo de teatro Chévere e a colaboración do Conservatorio Profesional de Música de Santiago de Compostela para a composición, interpretación e gravación por parte do seu alumnado da música. A confluencia do talento de todos eles é o que fai especial a esta obra que, ademais, aborda un tema moi de actualidade como é o dos migrantes que ven obrigados a abandonar os seus fogares fuxindo de conflitos bélicos, da pobreza, da falta de liberdades… e faio centrándose nos sentimentos e emocións das persoas.

Neste tempo a curtametraxe percorreu certames e festivais de medio mundo con numerosos recoñecementos que enumeramos a continuación:

PREMIO ALFABETIZACIÓN AUDIOVISUAL 2014. Ministerio de Educación.

1º PREMIO OUFF ESCOLA 2014. Ourense.

PREMIO DO PÚBLICO CERTAME NO TE CORTES 2014. Madrid.

1º PREMIO PELEÓN OLLOBOI 2015. Boiro.

1º PREMIO LINGUAS MINORITARIAS BEGIRADAK FESTIVAL 2015. Donostia.

E proxectouse tamén como finalista nos seguintes festivais:

PLURAL PLUS ONU 2014. Nova York.

ENCONTRO AUDIOVISUAL DE XÓVENES CINEMA JOVE 2014. Valencia.

FESTIVAL INTERNACIONAL DE PONFERRADA 2014.

FESTIVAL CINE SOLIDARIO KO&DIGITAL 2014. Barcelona.

FESTICORTOS 2014. Córdoba (Arxentina).

FORO INTERNACIONAL CINEMA PEQUENAS NACIÓNS, ALFABETIZACIÓN FÍLMICA E NOVAS AUDIENCIAS 2014. Facultade Ciencias Comunicación USC. Santiago.

FESTIVAL INTERNACIONAL CINE INFANTIL E XUVENIL 2014. Mérida (Venezuela).

SELECTIVA ÚNICA 2014. Barcelona.

FESTIVAL INTERNACIONAL INFANCIA E ADOLESCENCIA 2014. Bogotá (Colombia).

INTERNATIONAL YOUTH FILM FESTIVAL 2015. Plasencia.

FORUM INTERNACIONAL PLATAFORMA UNIAL 2015. La Habana (Cuba).

KONTRABANDO FILM FESTIVAL 2015. Mallorca.

FINALISTA AUTONÓMICO PREMIO ACCIÓN MAXISTRAL 2014. Fundacións FAD e BBVA.

Se non o viches aínda aquí tes unha nova oportunidade.

PARABÉNS RAFA, LARA, OLALLA, SANDRA, CARLOS, EDUARDO, IAGO, DANIEL, BRAIS, NICOLÁS, TANIA, INÉS, ALEX, ANDREA, JESSICA, IÑIGO, PABLO, JAVIER, ALEJANDRO, PATRICIA, XESÚS, ARANTZA, MÓNICA, PEPE, TOBÍAS, MANUEL, BORJA, TERESA, LORENA, ARTURO, ÁLVARO, PABLO, XOSÉ ANTONIO e a toda a COMUNIDADE EDUCATIVA DO IES DE CACHEIRAS e do CMUS DE SANTIAGO.

PREMIO EN BEGIRADAK FESTIVAL DE DONOSTIA

Un novo recoñecemento ao traballo dos creadores de PERSOAS nesta ocasión no I Festival Internacional Las otras Miradas – Begiradak Festival de Donostia co Premio ao Mellor Curtametraxe en Linguas Minoritarias. Un festival que quere dar espazo ao cine realizado por persoas ou colectivos que, sen ser profesionais, realizan obras audiovisuais como ferramenta de expresión. Persoas foi proxectado o sábado 28 no espazo cultural Tabakalera de Donostia.

Ata agora a curtametraxe Persoas foi seleccionado e proxectado en Cinema Jove de  Valencia, Ouff Escola de Ourense, Festival Internacional de Cinema de Ponferrada, Festival Olloboi de Boiro, Plural Plus de Nova York (EEUU), Festival Internacional Ko&dixital de Barcelona, Certame No te Cortes de Madrid, International Youth Filme Festival Plasencia, Festival Cinema Infancia e Xuvenil de Mérida (Venezuela), Selectiva Única de Barcelona, Festicortos de Córdoba (Argentina), Festival de Cinema para a Infancia e Adolescencia de Bogotá (Colombia),  Begiradak Festival de Donostia e próximamente vai ser proxectado en La Habana (Cuba). E obtivo premios nos festivais en negrita.

PREMIO DO PÚBLICO

PERSOAS acada o PREMIO do PÚBLICO do Certame NO TE CORTES de creación audiovisual organizado pola Fundación Germán Sánchez Ruipérez e a Fundación VOCES. Anteriormente fomos finalistas no premio do xurado deste certame.

Moitas grazas pola vosa participación para acadar máis de 1.200 votos e máis de 1.000 reproducións da curta Persoas.

PREMIO ALFABETIZACIÓN AUDIOVISUAL

ATURUXO FILMS obtivo o Premio ALFABETIZACIÓN AUDIOVISUAL que outorga o Ministerio de Educación a través do ICAA na modalidade de secundaria por “o seu carácter pedagóxico e a gradación paso a paso do traballo en equipo, valorando positivamente o seu carácter ambicioso”.

O proxecto educativo de creación audiovisual ía acompañado da curtametraxe PERSOAS creada polo alumnado de 4º ESO na materia optativa Linguaxe audiovisual e medios dixitais e en cuxa produción colaboraron o grupo de teatro CHÉVERE coa interpretación dos personaxes e o Conservatorio profesional de música de Santiago de Compostela do que son alumnos Sandra Galera compositora da música e os seus intérpretes e onde se realizou a gravación.

Parabén a Rafa, Lara, Tania, Carlos, Olalla, Andrea, Alex, Eduardo, Iago, Jessica, Daniel, Nicolás, Javier, Inés, Brais, Pablo, Alejandro,Tobías, Sandra, Teresa, Lorena, Pablo, Arturo e Álvaro, a todo o profesorado que colaborou dende o CMUS e o IES de Cacheiras e aos compoñentes de Chévere.

TRÁILER

Para promocionar a curta é interesante crear un tráiler que ademáis de presentar algún dos temas da mesma deben xerar interese no espectador. Esperamos que así sexa.

PERSOAS EN CINEMA JOVE

Excelente acollida da curta PERSOAS na proyección no festival Cinema Jove de Valencia. Acudimos por quinto ano consecutivo, nesta ocasión con Eduardo e Carlos, que participaron neste Encontro de xóvenes con numerosas actividades relacionadas co cine.

ÉXITO NA ESTREA DE PERSOAS NO CGAC DE SANTIAGO

Onte estreamos Persoas no Centro Galego de Arte Contemporánea CGAC de Santiago de Compostela cun notable éxito dada a ovación final e o interese mostrado polos espectadores no posterior coloquio onde o alumnado participante na súa creación respondeu ás súas preguntas recibindo numerosos eloxios.

Grazas a todos os que acudistes a este acto tan importante para valorar o traballo colaborador de Aturuxo films – IES de Cacheiras, Chévere e o Conservatorio de Santiago.

PARABÉNS

ESTREA

Tras moitos meses de produción e traballo cooperativo de alumnado de 4º ESO e alumnado do CMUS de Santiago xa temos a curtametraxe lista para a estrea. Agora esperamos a vosa presenza para dar sentido a todo o esforzo coas vosas reaccións e valoracións.

DATAS:

MARTES 27 DE MAIO NO LOCAL SOCIOCULTURAL DA RAMALLOSA ÁS 19.00 HORAS

MÉRCORES 11 DE XUÑO NO CGAC EN SANTIAGO ÀS 20.00 HORAS

INVITACION

Agardamos contar coa vosa presenza

DESEÑO DO CARTEL

Cando o montaxe está na súa fase final chega o momento de pensar na exhibición. Todo o esforzo creativo na produción da curta non ten sentido se non chega aos espectadores, polo tanto, é necesario promover a súa exhibición e deseñar en primeiro lugar o cartel que visibilice a obra.  Ten que ser atractivo, dar algunha información sobre a curta e xerar expectación no espectador. Esperamos que o noso o consiga.