XA TEMOS UNHA PRIMEIRA MONTAXE

Nos últimos días estivemos montando distintas escenas da curta que se realizou o ano pasado. Utilizamos o Adobe Premiere que é moi complexo pero enténdese moi fácil. Por conseguinte non temos case ningunha dificultade á hora de utilizalo. Para nós, a experiencia da montaxe foi enriquecedora pois aprendese moito facendo este tipo de cousas. Ademais diso, aportanos coñecementos dunha asignatura que nos gusta facer cada día que temos clase. A veces faise un pouco complexo, pero co paso do tempo, vamos sabendo que facer de forma máis rápida e así realizar o noso traballo no tempo no que se reflexa a tarea diaria de cada clase. Por último, penso que si se puidera mellorar o “hardware” dos computadores, porque chegan a ser un pouco desesperantes e molestos.

Atent@s ás novidades

EDUARDO VAAMONDE / ALEJANDRO CEPEDA

STORYBOARD

Un STORYBOARD é o xeito de poder pasar todos os teus pensamentos e palabras ao papel mediante debuxos e garabatos, non ten que ser un debuxo perfecto, ten que ser o necesario para poder visualizar da nada esa imaxe, ese rostro ou esa mirada. Grazas a iso á hora da rodaxe podemos ir cunha idea do que queremos facer e como o queremos facer. É un utensilio de traballo, unha ferramenta, pero unha ferramenta creada por ti mesmo, como un xogo, un xogo divertido e á súa vez serio, onde podes estenderte todo o que queiras, é crear un mundo mediante a túa imaxinación e o teu enxeño, trasmitindo esa imaxe e ese sentimento. Tes que poñerte, traballar niso, ver que formas hai de expresar eses diálogos, mediante planos, angulaciones, movementos de cámara e todas esas palabras que crean unha propia linguaxe, a linguaxe audiovisual. Non podes poñer todo o guión nun plano, tes que pensalo, meditalo para poder lévalo a cabo e así xogar coas figuras.

 

 

 

 

 

 

 

 

 

 

RAFAEL REY DOMECH, OLALLA SUAREZ LADERO, TANIA BARROS GARCIA.

LOCALIZACIÓNS

As localizacións son os lugares onde imos rodar, e dicir, os escenarios onde se desenvolven os feitos contados no guión.

Os produtores somos os encargados de buscar ditos lugares, sacarlles fotos e así ensinárllelas ao noso produtor xefe, e dicir, o profesor.

Buscar localizacións non é nada fácil xa que temos que adaptarnos a un guión previamente escrito e ten que estar o suficientemente cerca de onde vivimos como para poder desprazarnos ata eles.

O produtor de cada grupo tiña que buscar a lo menos tres localizacións acordes ao guión como por exemplo: un piso baleiro e ben iluminado, unha casa amoblada, unha praia, unha estación de tren, etc.

Por sorte a pesar do complicado que foi conseguimos encontrar case todas as localizacións e xa case estamos preparados para empezar a rodar.

Este é un anticipo.

 

TRABALLO EN EQUIPO

Queredes saber como traballamos no día a día? Pois ademáis do traballo de aula utilizamos o Teambox.

O Teambox é unha plataforma virtual de traballo colaborativo que utilizan moitas empresas multinacionais e tamén nós para compartir arquivos como o guión, a listaxe de sons, localizacións etc. É unha ferramenta moi útil para o noso traballo, xa que, aparte de non perder cousas, podemos traballar na casa ou donde queiramos a través de conversacións e tarefas asignadas. Isto fai que todo o proceso avance sen ter que estar na aula, como nos fins de semana, festas e vacacións. Na aula compartimos, debatimos e organizamos as tarefas.

Pablo Muñoz Vázquez e Iago Mosquera Cereijo

CHÉVERE INTERPRETARÁ OS PERSONAXES

Xa temos a confirmación de que os actores e actrices do grupo de teatro Chévere van participar na curtametraxe interpretando as vidas dos nosos personaxes. Todos estamos moi ilusionados e agradecemos enormemente a súa disposición xa que seguro que imos aprender moito do seu traballo. Só esperamos achegarnos un pouco ao seu nivel.

O grupo Chévere ten actualmente a súa sede no noso Concello de Teo e xa colaborou co IES de Cacheiras noutras actividades con xenerosidade.

Moitas grazas polo voso apoio a esta experiencia educativa de formación e creación audiovisual.

XA TEMOS PALABRAS, SÓ FÁLTANOS DICILAS BEN ALTO

Pouco a pouco creamos unha idea, unha trama, un argumento, catro vidas, que diferentes compartirán un mesmo destino, o medo, pero non un medo calquera, o medo ao outro, a todo, a un mesmo.

Todo iso collémolo cunha man e na outra un papel en branco, agora vémonos diante dun guión, cheo de tachones e anotacións por todas  partes, pero un guión á fin de ao cabo. É un avance, un gran paso, que fixemos entre todos, plasmando as nosas ideas sobre o papel.

E xa está? Que facemos agora? Ben, agora vén a parte complicada, onde todas esas palabras que temos cobran vida, pero xa non nos soan como antes, tan oportunas, por momentos parecen ridículas e estúpidas. Agora teremos que aprender a captar eses sentimentos que na nosa cabeza eran tan doados de encontrar.
Estará todo o que buscamos nesas lineas?
O público tendrá que dicilo.

De momento aquí tedes un pequeno anticipo do guión, o seu inicio.

GUIÓN

RAFAEL REY

PRÁCTICAS FOTOGRAFÍA E EDICIÓN

Os directores de fotografía fixemos unhas pequenas curtas partindo do argumento “un alumno sae da clase correndo”. Tivemos que decidir os planos a rodar para contar a historia cunha intencionalidade, misterio, suspense, terror, humor… A finalidade do exercicio era aprender o manexo da cámara e intentar contar con imaxes e sons un argumento. Finalizada a rodaxe foi o turno dos técnicos de montaxe de cada grupo para, con ese material, dar forma a historia traballando especialmente o son. A experiencia foi divertida e moi fructífera porque axudounos a controlar máis o programa de edición e a traballar máis o son. Esperamos que cada un dos traballos  transmita as sensacións e emocións previstas.

IAGO MOSQUERA, OLALLA SUÁREZ, PABLO MUÑOZ e Fco. JAVIER MÉNDEZ

O CONSERVATORIO PROFESIONAL DE MÚSICA INCORPÓRASE AO PROXECTO

A dirección e profesores do Conservatorio Profesional de Música de Santiago de Compostela acolleron con entusiasmo a proposta de Aturuxo Films de incorporarse ao proxecto da curtametraxe que está a facer o alumnado de 4º ESO da materia optativa Linguaxe audiovisual e medios dixitais. Como podedes imaxinar o seu traballo vai consistir na composición, interpretación e gravación da música da banda sonora. Alumnado de 3º de grao profesional vai ser o encargado de por a emoción musical coordinados e dirixidos polo seu profesor Ramón Cabezas.

Deste xeito iniciamos unha nova aventura de colaboración  entre  o alumnado e o profesorado de dous centros públicos que unen as súas forzas pedagóxicas e creativas.

Agradecer de novo o entusiasmo mostrado polo proxecto e xa sabedes chic@s ¡a seguir traballando!.

SERGIO CLAVERO

Responsable de Aturuxo films

IGUALDADE DE OPORTUNIDADES

Neste proxecto imos tratar temas de moita actualidade como a inmigración, a pobreza, a liberdade de expresión, a igualdade de xénero e os conflitos bélicos polos que pasan moitas persoas.

O meu grupo desenvolve a personaxe que emigra en busca de novas oportunidades ante a pobreza na que vive.

Gústame moito esta materia pola actividade que estamos a facer que permite unha grande comunicación entre os compañeiros do grupo.

NICOLÁS VESTEIRO

CONFLITO BÉLICO

O noso grupo, igual que o resto, elaboramos primeiro a idea. A idea é o que queremos contar resumido nunha pequena frase. A nosa trata sobre un xoven soldado que foxe dun conflito bélico do que non quere participar. Isto lle causa o enfrentamento cos seus familiares e finalmente emigra a outro país. Despois da idea elaboramos o argumento onde se relatan as accións que desenvolven a idea. Agora estamos a desenvolver o primeiro borrador do guión onde se detallan as accións dos personaxes cos seus diálogos.

ANDREA RODRÍGUEZ