LIBERDADE EXPRESIÓN

line-guys

Con este argumento queremos contar os problemas que teñen os cidadáns dalgúns países para expresarse libremente. Para nós a liberdade de expresión é poder dicir o que pensamos ou escribir o que queremos con respecto sen que ninguén nos prohiba ou xulgue por iso.

Para nós iniciar esta aventura foi algo diferente xa que estamos acostumados a copiar e facer exercicios sen poder opinar ou traballar en grupo. Ao principio pensabamos que ía ser moi complicado desenvolver un argumento e o guión pero decatámonos que ao sentarse cun papel en branco diante e un lápis as ideas van xurdindo con facilidade.

JESSICA CEBEIRO, MARTA GÓMEZ e INÉS GÓMEZ

IGUALDADE

Podes pensar que o desenvolvemento dunha curtametraxe é moi sinxelo, pero non. Para desenvolver unha curta fai falla un guión esencial, que é o que estamos a traballar o meu compañeiro Rafael e eu. Ao desenvolver este guión tivemos que poñernos  no corpo dos personaxes e pensar en como serán os sentimentos , problemas e circunstancias que viviran ao longo da curtametraxe. Tivemos que crear  varios argumentos do guión nos cales cambiamos, escribimos, pensamos ata que finalmente o desenvolvemos. Despois dividimos o traballo, cada un escribiu unha escea do guión, que pertence ao noso personaxe  e finalmente matizámolo.

A experiencia de escribir un guión é realmente emocionante, pero ao mesmo tempo agotadora, porque tes que pensar en como expresar todo o que tes na mente (sentimentos e emocións de cada personaxe) e como introducir no guión os dialogos máis importantes que expresen as emocións dos personaxes en poucas palabras.

Nesta curtametraxe ides experimentar as distintas sensacións, sentimentos e circunstancias aos que son expostas as diferentes persoas para chegar ao que eles consideraban o mundo das oportunidades e unha vez alí para cumprir todo o que ata agora lles foi negado. O noso personaxe é unha muller que ao vivir nunha sociedade patriarcal non pode desenvolver o seu proxecto vital.

IGUALDAD02

TANIA BARROS

A EDICIÓN

Os técnicos de montaxe somos os encargados da fase de postprodución da curta. A fase de montaxe consta da edición da imaxe e do son gravados na fase da rodaxe. En outras palabras, somos os que lle damos sentido e vida á curta. Ata o de agora, estivemos facendo prácticas e unha primeira toma de contacto co programa de edición, para así dominar as funcións básicas e facer un bo traballo.

blog edicion

EDUARDO VAAMONDE

DIRECCIÓN DE FOTOGRAFÍA

blog fotografia

Falando en nome de tódolos directores de fotografía noveis deste proxecto, quero explicar que é o que estamos facendo e o que estamos aprendendo.

Actualmente, mentres os respectivos guionistas e directores de cada grupo escriben o guión, nos estamos aprendendo a usar a cámara.  Son cousas básicas e necesarias para poder gravar como saber  utilizar un trípode, que é o balance de brancos, controlar a luz, aprender a gravar diferentes tipos de planos,  controlar o enfoque  e moitas outras cousas.

Para poder poner en práctica esta series de aprendizaxes, estamos a gravar fóra da aula unha serie de planos  e incluso unha moi pequena curta.

Persoalmente, o que estamos aprendendo era totalmente descoñecido para min. Eu pensaba que era capaz de gravar unha curta sen saber o que era por exemplo o balance de brancos (algo que antes soábame a chino) , e que é moi importante. Penso que a nosa parte e moito mais divertida que a dun guionista ou un director, que estan na clase facendo o guión, mentres que nos podemos estar fóra gravando e aprendendo cousas novas cada día.

IAGO MOSQUERA

A HISTORIA DA CURTAMETRAXE

Partindo da idea que vai desenvolver a historia da curtametraxe, a igualdade entre as persoas, seleccionamos catro conflitos que se repetiron e repiten en numerosos puntos do noso planeta ao longo da historia. Éstes son a extrema pobreza pola falta de oportunidades, a discriminación de xénero en sociedades tradicionalmente patriarcais, os conflitos bélicos xerados polas incomprensións e a ausencia de liberdade de expresión. Cada un destes conflitos está representado por un personaxe que nos permitirá comprender as consecuencias destas desigualdades e a necesidade de encontrar un mundo mellor.

imagen1

TEMOS ALGO QUE CONTAR

4719573-la-gran-pila-de-periodicos-viejos-negocios (2)

Ao día de hoxe miras os xornais, e ves como o home foise afastando pouco a pouco dos lazos que o mantiñan en pé, ves como países se derruban coas opresións dun sistema imposto, tanto no exterior, coma nesta terra, que degradada vemos como os problemas aumentan, e non só dende a perspectiva do adulto.

Como estudantes nos damos conta que nos achegamos a un panorama de desconcerto causado por uns e por outros.

Neste proxecto intentamos expresar ese nó na garganta, a falta de liberdade, pero tamén as diferenzas, incomprensións e os múltiples conflitos que presenta a sociedade e o ser humano, todo iso queremos dicir, e o máis importante é que eses problemas que se presentaron e se nos presentan, se solucionan ao aceptar a nosa igualdade absoluta como persoas, a unión xerada por nós e a nosa busca constante dun mundo mellor.

Recoñezo que é moito que dicir e dispoñemos de poucas palabras, pero se algo aprendín no medio audiovisual é que cunha imaxe xa contamos unha historia, e entregamos un concepto ao espectador, non podes contar un conto se non tes que contar nada.

Somerxémonos neste mar, temos unha tormenta, mil posibilidades de salpicar o público das nosas propias gotas, dos nosos sentimentos e emocións, espero mollarvos un pouco.

RAFAEL REY DOMECH

A IDEA

Este ano no IES Cacheiras estase a desenvolver un proxecto teatral dentro do Programa europeo COMENIUS xunto a centros de Francia, Alemaña, Bulgaria, Italia e Dinamarca.
O alumno Rafael Rey é o autor da idea e do texto teatral que se vai representar este ano en Marsella. Dende Aturuxo films propúxose realizar unha transposición cinematográfica desta que consiste en partir da mesma idea para desenvolver un guión e unha obra audiovisual. Polo tanto ambas as dúas obras  crecen en paralelo pero utilizando linguaxes diferentes.

comenius    154453_181941728617324_1905505926_n

ATA AGORA

Nas clases de audiovisuais o profesor ensínanos de dito linguaxe que, basicamente, é transmitir unha idea ou unha mensaxe mediante imaxes e sons. O inicio do curso foi un pouco aburrido, hai que recoñecelo, pero aprendemos moito. Comezamos estudando a parte técnica recoñecendo os tipos de planos, angulacións, movementos de cámara, etc. E nos demos conta de qué sensacións se pretenden transmitir o espectador mediante as imaxes e os sons. Despois fixemos a análise dun anuncio que definitivamente non era o que parecía, e aprendemos que non é o que parece a simple vista,se non que teñen mensaxes ocultas que só o noso subconsciente pode captar. Se algo ten de malo esta clase é que xa non podo ver a televisión do mesmo xeito, pero pensándoo mellor, non é tan malo.
E agora estamos coa preprodución da nosa propia curta. A clase está dividida en catro grupos de traballo, e o que pretendemos facer é crear catro curtas que se unirán ao final.

SEGUE A EVOLUCIÓN DO PROCESO CREATIVO A TRAVÉS DESTE BLOG E PARTICIPA COS TEUS COMENTARIOS E SUXERENCIAS.

LARA POUSO / OLALLA SUÁREZ

CADERNO DE RODAXE

Inauguramos unha nova iniciativa de Aturuxo films. Este novo blog vaise converter nun caderno de rodaxe do alumnado de 4º ESO que cursa a materia Linguaxe audiovisual e medios dixitais. Nel vaise reflectir o día a día no proceso de creación dunha curtametraxe que xa iniciaron. Con esta iniciativa queremos que a comunidade educativa coñeza como se realiza unha obra audiovisual, cuales son as funcións a desempeñar, as dificultades que van xurdir e como as resolven os alumnos e alumnas.
Esperamos que sexa do voso interese e animámosvos a seguir este blog introducindo o voso email na subscrición deste e a participar cos vosos comentarios, suxestións, preguntas…