O desenvolvemento das novas tecnoloxías da comunicación invade de modo crecente o noso espazo público e privado.
Neste contexto os pais están cada vez máis preocupados pola influencia que ten a televisión e internet na formación dos seus fillos polos seus contidos violentos, sexistas…ou a presenza masiva da publicidade que distorsiona a realidade e fomenta actitudes e comportamentos negativos que inflúen decisivamente nos nosos comportamentos cotiáns.
Polo tanto, é necesaria unha alfabetización dos mozos na linguaxe audiovisual para un uso, comprensión e comunicación axeitada coas novas tecnoloxías. Necesitamos formar espectadores críticos que non só utilizan estas tecnoloxías senón que tamén comprenden, valoran e analizan os seus contidos.
Neste contexto o IES Cacheiras decidiu hai cinco anos potenciar, dentro o seu labor docente, a formación integral do alumnado nos medios audiovisuais e nas novas tecnoloxías fomentando a creatividade como fonte para o desenvolvemento do pensamento crítico e a sensibilización en temas sociais.
A experiencia ATURUXO FILMS. CREACIÓN AUDIOVISUAL responde a estas necesidades educativas.
Caderno de rodaxe 